മരം ചാടുന്ന ഓന്തുകള്
എത്ര പെട്ടെന്നാണ്
നിറങ്ങളില് നീരാടുന്നത്
തുടിക്കുന്ന ചോരച്ചുകപ്പ്
കള്ളങ്ങളാല് നിറം കെട്ട്
പീത വർണത്തില്
ഒളിയിടം തേടുന്നതും
പൂപ്പല് പിടിച്ച പച്ചയില്
പുഴുക്കുത്ത് വീണ്
മഞ്ഞ പുതച്ചുറങ്ങുന്നതും
കാഴ്ചയില്
കറുത്ത ഇരുട്ടിനെ ഓര്മിപ്പിക്കുന്നു
വര്ണങ്ങൾ തുന്നിച്ചേര്ത്ത്
വിസ്മയം തീര്ത്തവര്
ഇരുളിലും പകലിലും
നിറം മാറ്റത്തിന്റെ
വിരുന്നുകളൊരുക്കുമ്പോള്
ഗ്രാമത്തിലെ അമ്മ മാര്
മുലകുടിക്കുന്ന കുഞ്ഞിന്റെ
പൊക്കിളില് വിരലമര്ത്തി
വിതുമ്പി പറയുന്നത്
"ഓന്തു കളുടെ നിറം മാറ്റം
എന്റെ കുഞ്ഞിന്റെ
ചോര കുടിക്കാന് തന്നെ "
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ